| Share page | Visit Us On FB |
|
•246 |
SONGS, ETC. |
||
|
ON THE DEE AND THE DON.
But I'll tak' leave o' queenly Dee,
And view her modest sister, Don, For there the dearest spots to me
Were Kettock's Mill an' Tillydrone. There lanely, in the pale moonlight,
Ha'e I indulg'd my waukin' dream, Until the witchin' hour o' night,
Beside her calm unruffled stream.
Through Seaton vale uncheck'd I've rang'd,
Where lav'rocks sing an' wild flow'rs grow, But, ah ! the scene is fairly chang'd
From what it was lang years ago. Through spots where we, mang broom and whin,
Ha'e harrit nests an' howkit bykes, We daurna gang and canna win
For fences, rails, an' five-feet dykes.
The little path that we ha'e trod
Sae aft, the worldlin' winna spare— He filches e'en the ancient road
Our fathers took to kirk an' fair. Though the usurper be a lord,
My hearty benisons I gi'e To ilk bauld son o' bon-accord,
Wha wishes still his streamlets free. |
|||